Aktuelt

Kontaktkonferansen i Kristiansund vart gjennomført 9.-10. november på Scandic Hotell Kristiansund og Caroline kino- og konferansesenter.
Her kan du finne presentasjonane frå konferansen.

På Kontaktkonferansen til IKAMR i Kristiansund denne veka vart prisen Årets arkivar Møre og Romsdal delt ut for fjerde gong. Prisen gjekk til Silje Ekroll Riborg, arkivleiar i Ulstein kommune.

Søndag 6. november var IKAMR og Slekt og Data Søre Sunnmøre inviterte av Opplev Runde til å halde foredrag.

Sula kommune og Tingvoll kommune har meldt seg inn i privatarkivordninga ved IKAMR. No er til saman 20 av kommunane i Møre og Romsdal medlemmar i ordninga.

IKA Møre og Romsdal tok 11.-13. oktober turen til Rauma kommune for å pakke ned resten av arkiva frå dei fem tidlegare kommunane Veøy, Grytten, Hen, Voll og Eid.

Hausten 2021 henta vi inn 56 hyllemeter arkiv for ordningsprosjekt frå Ulstein kommune. Arkiva er no ferdigordna og publiserte på Arkivportalen.

Etter tildeling av arkivutviklingsmidlar i 2020 til dette prosjektet er vi no i gang, i samarbeid med dei andre privatarkivaktørane i fylket: musea, historielaga og lokalarkiva.

IKAMR og Tingvoll Museum fekk i 2021 midlar frå Arkivverket til å ordne, bevare og tilgjengeleggjere arkiva etter Tingvoll Ullvarefabrikk og Tingvoll Tekstilarbeidarforening. I løpet av sommaren 2022 har prosjektmedarbeidar Emil Stokkevåg ordna arkiva, og no ligg listene på Arkivportalen.

IKAMR tok sist veke turen til Fjord kommune for å starte nedpakkinga av ein avtale inngått august 2021 om ordning og deponering av papirarkiv frå dei tidlegare kommunane Norddal og Stordal. Avtalen rommar omlag 365 hyllemeter totalt.

Fylkessenter for digitisering av kulturarven (SEDAK) ved Interkommunalt arkiv for Møre og Romsdal (IKAMR) har dei siste par åra jobba med eit forprosjekt og eit pågåande hovudprosjekt, som har omfatta kvalitetssikring av digitisering i Digitalarkivet. Forprosjektet har gitt ei utgreiing av behovet for ei kvalitetssikring og hovudprosjektet har omfatta beskriving og utvikling av metode og verktøy for ei integrert automatisert kvalitetssikring av dei digitiserte arkivkjeldene publisert på Digitalarkivet.