Fredag 5. juni fekk IKAMR besøk av 30 medlemer frå Slekt og Data Møre og Romsdal. Organisasjonen arrangerte den årlege sommarturen sin i Ålesund og tilbrakte dagen hos oss og på Ålesund Museum. Vi set stor pris på å få besøk og på høvet til å gjere brukarane betre kjende med arkivsamlingane våre.

IKAMR har no ferdigstilt ordningsprosjektet vi har hatt på gang for Aukra kommune. Prosjektet omfattar om lag 200 hyllemeter arkivmateriale frå perioden etter 1964. Materialet omfattar arkiv frå sentral-, skule-, kultur-, helse-, og teknisk sektor. Arkivet er no ordna og listeført etter gjeldande retningslinjer.

Våren 2026 har IKAMR vore praksisplass for ein historiestudent frå Høgskulen i Volda. Maria Bjåstad Hustadnes går andre året på bachelorstudiet i historie og har hatt ein ti vekers praksisperiode hos IKAMR frå februar til april som del av praksisemnet HI204P Lokal- og regionalhistorie.

Representantskapsmøte 1-2026 blir halde på Vestnes Fjordhotell den 17. april.