Vi treng motstandarar

Kontorsjef Jens Tobias i Stordal kommune arbeidde raskt. Han sette ned ein hurtigverkande komité; «Uttakingskomiteen, avd. fotball». Dei hadde møte allereie 9. mai. Norunn Busengdal og Jens Tobias møtte. Dei fastlo at Utakingskomitten var vedtaksfør. I møteutskrifta frå møtet ser vi at dei «etter ein lang diskusjon med særs mange og vetuge innlegg kom ein fram til ei samrøystes tilråding, som ein kan lese meir om i dokumenta. 

Korleis kampen gjekk seier kjeldene våre ikkje noko om. Vann husmorlaget? Eller laget frå kommunen? Kven slo til med det mest originale kostymet? Blei det scora fine mål? Vi har dessverre ikkje greidd å spore opp bilde frå hendinga.

Det er ikkje berre fotballkampar som er populært på 17. mai. Klassiske leikar som sekkeløp, eggeløp, potetløp, gå på stylter og tautrekking er mykje brukt. Andre stadar har det vore hesteskokasting, høgdehopp, jamvel skikonkurranse! I arkiva etter dei ulike 17. maikomiteane ser vi at det blir organisert lokale arrangement i heile fylket frå morgen til kveld kvar einaste 17. mai.

Vi håper du får ein fin 17. mai og at dårleg ver, om så skulle vere, ikkje legg ein dempar på feiringa! Gratulerer med dagen, Noreg!  

Tekst: Vibeke Solbakken Lunheim, IKAMR